Delimondo

Diputa, kagina panyapon nagluto ko Delimondo corned beef. Ini ang paborito ko subong nga corned beef. Indi ko kahambal kun ini gid man ang pinaka-namit nga corned beef kay madamo pa ko wala natilawan pro ikumpara sa paborito ko sang una, ang Purefoods corned beef, mas namitan ko sang Delimondo.

Nagsunod malang ko sang una pag-uso sang Delimondo. Damo naghambal namit kuno, teh nagbakal ko kag gintilawan, namit gid man sa panabor ko. Sugod sadto Delimondo nalang gid akon ginabakal. Ga bakal man ko Purefoods gihapon, pro kun kis-a lang kun wala stock ang Delimondo ukon wala balaklan nga malapit.

And isa pa ka manami sa Delimondo, madamo gid ya ang karne ikumpara sa sabaw niya sa lata. Diri gid naguba sa-akon ang Purefoods - daw tunga gid ya sa lata ang sabaw sang Purefoods. Duha ni ka beses natabo sa akon. Ang una, gin pabay-an ko lang kay abi ko basi defect lang. Gani pag-dason nga semana nagbakal ko liwat, amo gihapon. Diputa, mahal-mahal bakal ko, laban pa sabaw nga naga evaporate man lang kun maluto. Kun kamo ya gusto magkaon sinabawan nga corned beef, ako ya gusto ko mala.

Pero indi tanan pareho panabor. May mga kilala man ko nga die-hard giyapon sa Purefoods. Pero kami ya nag move-on na.